ကျွန်တော်နဲ့ကျွန်မ
ခေါင်းစဉ်ကြည့်ပြီးတော့ လန့်မသွားပါနဲ့ဦး။ "ကျွန်တော်" နဲ့ "ကျွန်မ" နာမ်စားတွေအကြောင်းပြောမလို့ပါ။ ယောက်ျားတွေနဲ့ မိန်းမတွေသုံးရတဲ့ နာမ်စားက "ကျွန်တော်" နဲ့ "ကျွန်မ" ။ ယောက်ျားတွေသုံးတာက "ကျွန်တော်" ၊ မိန်းမတွေသုံးတာက "ကျွန်မ" ။ စဉ်းစားကြည့်ရင် "ကျွန်မ" ဆိုတဲ့ နာမ်စားက "ကျွန်တော်" ဆိုတဲ့ နာမ်စားလောက် သုံးရတာ မလွယ်ဘူး အဆင်လည်းမပြေဘူး။ ယောက်ျားလေးတစ်ယောက်က ဆိုပါတော့ ၇ နှစ် ၈ နှစ်လောက်ကတည်းက သူ့ကိုယ်သူ "ကျွန်တော်" ဆိုပြီးတော့ သုံးလို့ရတယ်။ အဲလိုသုံးလို့ရတော့ သူ့အတွက် အဆင်ပြေတယ်။ ကြားရတဲ့လူကလည်း ဟာ.. ဒီကလေးတော်တော် ယဉ်ကျေးပါလားဆိုပြီးတော့ ကောက်ချက်ချသွားရော။ ဒါပေမဲ့ ၇ နှစ် ၈ နှစ်အရွယ် ကောင်မလေးတစ်ယောက်က သူ့ကိုယ်သူ "ကျွန်မ" ဆိုပြီးပြောရင် ကြားရတဲ့လူက နားထဲမှာ ကန့်လန့်ကြီးဖြစ်နေရော။ အဲတော့ တော်ရုံတန်ရုံဆို ကောင်မလေးငယ်ငယ်လေးတွေက စကားပြောရင် ကိုယ့်ကိုယ်ကို "သမီး" ဆိုပြီးသုံးကြတယ်။ ဒါပေမဲ့ အဲလို သုံးတာက အရွယ်တစ်ခု ဥပမာ ၁၆၊ ၁၇ အရွယ်လောက်ရောက်တော့ သုံးလို့မကောင်းတော့ဘူး။ ကိုယ့်ထက် ၄၊ ၅ နှစ်လောက်ကြီးတဲ့လူတွေနဲ့ စကားပြောတဲ့အခါ "သမီး၊ သမီး" နဲ့သွားသုံးရင် ဟိုဖက်လူက ဟာ.. ငါဒီလောက် အသက်ကြီးသွားပြီလား ဆိုပြီးဖြစ်တော့မယ်။ ပြီးတော့ နားထောင်လို့လည်း သိပ်မကောင်းတော့ဘူး။ အဲလိုမျိုးဆိုတော့ ဘာသုံးမလဲ။ "ညီမ" လို့သုံးလို့တော့ရတယ်။ ဒါပေမဲ့လည်း သူက သိပ်အဆင်မပြေဘူး။ စကားပြောရင် နည်းနည်းထောက်နေတယ်။ နားထောင်ရတဲ့လူအတွက်ကတော့ မသိဘူး။ "ကျွန်မ" လို့သုံးရပြန်အောင်လည်း ဒီအသက်အရွယ်နဲ့က သိပ်မကိုက်သေးဘူး။ အဲဒီတော့ ကိုယ်စကားပြောတဲ့လူအပေါ်မှာမူတည်ပြီးတော့ အဆင်ပြေတဲ့နာမ်စားကို ရွေးသုံးရရော။ ငယ်ငယ်တုန်းကတော့ ကျောင်းမှာ ကောင်မလေးတစ်ယောက်တွေ့ဖူးတယ်။ သူက တရုတ်။ အဲတော့ အိမ်မှာစကားပြောရင် ကိုယ့်ကိုယ်ကို "ဝေါ် ဝေါ်" နဲ့ပြောရော။ အိမ်မှာပြောနေကျဆိုတော့ ကျောင်းမှာလည်း အကျင့်ပါပြီး "ဝေါ် ဝေါ်" နဲ့ဖြစ်နေရော။ ဝေါ့ကလေ ဝေ့ါကိုလေနဲ့။ သူအဲလို ဝေါ် လို့ပြောတိုင်း အစခံရတယ်။ အဲတော့ အဲလိုသုံးဖို့ကလည်း မဟုတ်သေးပါဘူး။ တခြားဘာသာနဲ့လည်း အဆင်မပြေပြန်ဘူး။ အသက် ၂၀ ကျော်လောက်ကျတော့ အချင်းချင်းစကားပြောတဲ့အခါ ၊ ဟိုးအရင်ကတည်းက သိပြီးသားလူဆိုရင်တော့ ကိစ္စမရှိဘူးပေါ့။ အခေါ်အဝေါ်တွေက နှုတ်ကျိုးနေပြီလေ။ ဒါပေမဲ့ အခုလိုအချိန်မှ တွေ့တဲ့လူတွေနဲ့ စကားပြောတဲ့အခါကျတော့ နာမ်စားတစ်ခုသုံးရတော့မယ်။ ယောက်ျားလေးတွေနဲ့ ပြောတဲ့အခါ "ကျွန်မ"လို့ သုံးလို့ရပြီပေါ့ ဒီလိုအသက်အရွယ်ရောက်တော့။ အဲ.. ဒါပေမဲ့ မိန်းကလေးအချင်းချင်းပြောတဲ့အခါကျတော့ "ကျွန်မ" လို့ ပြောလို့ အဆင်ပြေတဲ့လူတွေရှိမယ် မပြေတဲ့လူတွေရှိမယ်။ ဥပမာ အသက်ချင်း သိပ်မကွာတဲ့ လူတွေဆိုရင်ပေါ့။ အဲလိုလူတွေနဲ့ကျတော့ "ကျွန်မ" လို့ပြောရင် နားထောင်ရတာ တစ်မျိုးကြီးဖြစ်နေရော။ "နင် ငါ" လို့ပြောရပြန်အောင်လည်း သူနဲ့က သူငယ်ချင်းမဟုတ်။ အဲဒါနဲ့ တချို့က "တို့" ဆိုတဲ့နာမ်စားကို သုံးလာရော။ အဲဒီ နာမ်စားကလည်း အားလုံးအတွက် အဆင်ပြေလားဆိုတော့ မပြေသေးဘူး။ ဘာလို့လဲဆိုတော့ "တို့" လို့သုံးတာက တချို့လူတွေအတွက်ဆို နည်းနည်းတင်စီးနေသလို အဓိပ္ပာယ်မျိုးဖြစ်နေရော။ အဲဒါနဲ့ပဲ နောက်တစ်မျိုးရှာရပြန်ရော။ တဖြည်းဖြည်းနဲ့ တချို့ကျတော့ မိန်းကလေးဖြစ်ပါရက်နဲ့ "ကျွန်တော်" ဆိုတဲ့ နာမ်စားကို ယူသုံးရော။ သူက သုံးရတာလွယ်တယ်လေ။ ဒါပေမဲ့ မိန်းကလေးနဲ့ကျတော့ သိပ်မလိုက်ပြန်ဘူး။ တချို့ကျပြန်တော့လည်း နာမ်စားနေရာမှာ ကိုယ့်နာမည်ကို ထည့်ပြောတယ်။ အဲဒါကတော့ အလွယ်ဆုံးပေါ့။ ကိုယ့်ထက်ကြီးကြီးငယ်ငယ် အဲဒီနာမ်စားနဲ့သုံးရုံပဲ။ ဒါပေမဲ့ သူကလည်း တစ်ခုရှိတာက ကိုယ့်ရဲ့နာမည်က ခေါ်လို့ သုံးလို့ကောင်းရင် ကောင်းတာပေါ့။ အဲလိုမဟုတ်ပဲ နည်းနည်းသိပ်ခေါ်လို့မကောင်းပဲ နာမ်စားအနေနဲ့ သုံးလို့မရတဲ့ နာမည်ဆိုရင်တော့ ခက်ပြန်ရော။ ယောက်ျားလေးတွေအတွက်ကျတော့ အဲလိုမဟုတ်ဘူး။ အရွယ်သုံးပါး ကျွန်တော် ဆိုတာကို သုံးလို့ရတယ်။ ကိုယ်က စကားပြောရမယ့်လူက ငယ်ငယ်ကြီးကြီး "ကျွန်တော်" ဆိုတာကို သုံးလို့ရတယ်။ အဲဒီနာမ်စားတစ်ခုတည်းကို လက်ကိုင်ထားလိုက်ရင်ရပြီ။ ဘယ်လောက်အဆင်ပြေတဲ့ စကားလုံးလဲ။ ရှေးခေတ်တုန်းက စကားထွင်တဲ့လူတွေက ဘာလို့များ မိန်းမတွေအတွက် အဲလို သုံးလို့အဆင်ပြေတဲ့ နာမ်စားမျိုး မထွင်ပေးခဲ့လဲမသိဘူး။ ဒါမှမဟုတ်ရင်လည်း မိန်းကလေးတွေက အဲဒီနာမ်စားကို သိပ်မသုံးလို့များ ကြားရတဲ့အခါ နည်းနည်းထောက်နေတာလားမသိဘူး။ အဲတော့ သူ့ကို "ကျွန်တော်" လိုမျိုး သုံးရတာ အဆင်ပြေသွားအောင် များများသုံးပေးရင်ကောင်းမလား။ ဒါမှမဟုတ် အဆင်ပြေတဲ့ နာမ်စားတစ်ခုထပ်ထွင်ရင်ကောင်းမလားပဲ။ အခုကျမှတော့လည်း ဘယ်သူကမှ စကားလုံးအသစ်ထွင်ချင်တော့မှာမဟုတ်ဘူး။ မိန်းကလေးတွေမှာလည်း အဲလိုမျိုး အခက်အခဲတစ်ခုတော့ ရှိပါတယ်။ အခုတလော စဉ်းစားနေမိတာလေးပါ။ တခြားလူတွေကော ဘယ်လိုထင်ကြလဲမသိဘူး။
မီးပျက်တဲ့ညတစ်ည
မနေ့ကကျောင်းမှာ မီးပျက်သွားတယ်။ မိုးတွေတအားရွာတော့ မီးကြိုးတွေ ပျက်သွားလို့တဲ့။ ကျောင်းဆိုတော့ သူတို့က မီးစက်ခုတ်တော့ ခဏလေးပဲပျက်ပြီးတော့ ပြန်လာတယ်။ တချို့နေရာတွေကတော့ မှောင်နေတာပေါ့။ ဒီမနက်ကျတော့ အိမ်မှာ မီးပျက်သွားတယ်။ ဟာ..သွားပြီလို့ ဒီနေ့ကကျောင်းမသွားရတော့ တစ်နေကုန်အိမ်မှာ ဒီအတိုင်းပဲထိုင်နေရတော့မယ်ထင်နေတာ။ တော်သေးတယ် ခဏပဲပျက်ပြီးတော့ ပြန်လာတယ်။ ဒါပေမဲ့ ညနေဖက် ၄ နာရီလောက်ကျတော့ တစ်ခါထပ်ပျက်တယ်။ တစ်ညလုံးပျက်သွားတာ မနက်၎ နာရီလောက်မှပဲပြန်လာတော့တယ်။ ဒီမှာက မီးက သိပ်ပျက်လေ့မရှိတော့ မီးလည်းပျက်သွားရော အိမ်တိုင်းမှောင်မဲနေတာပဲ။ မီးမပျက်တာကြာတော့ မီးပျက်သွားတော့ နေလို့တော့ကောင်းတယ်။ အထူးအဆန်းလိုပဲ။ အရင်ရက်တွေဆို မီးလာတဲ့အချိန်တွေဆိုရင် လူတိုင်းလိုလိုက အိမ်ပြန်ရောက်ရင် တီဗွီကြည့် ကွန်ပျူတာလုပ်နဲ့ အားလုံးစုထိုင်ပြီးတော့ စကားပြောဖြစ်တာ တော်တော်ရှားတယ်။ အခု မီးပျက်သွားတော့ တီဗီလည်းကြည့်မရ ကွန်ပျူတာလည်း လုပ်မရဆိုတော့ ဘာမှလုပ်စရာမရှိသလိုဖြစ်သွားတယ်။ အဲတော့မှပဲ တစ်ယောက်နဲ့တစ်ယောက် သေချာစကားထိုင်ပြောဖြစ်ကြတယ်။ အဲဒါနဲ့ပဲ စဉ်းစားမိတာ။ အခုလိုတိုးတက်လာတဲ့ ခေတ်ကြီးမှာ လူတွေက မနက်ပိုင်းဆို ကလေးဆို ကျောင်းသွား၊ လူကြီးဆို အလုပ်သွားနဲ့ တစ်ယောက်နဲ့ မတွေ့မိကြဘူး။ အိမ်ပြန်လာတဲ့အချိန်ကျပြန်တော့လည်း ကွန်ပျူတာတွေ တီဗီတွေနဲ့ပဲ အဖော်လုပ်နေကြတယ်။ တီဗီကြည့်လို့ပြီး ကွန်ပျူတာလုပ်လို့ပြီးတဲ့အခါကျတော့ အိပ်ချိန်ရောက်ပြီ။ အဲဒီလို့နဲ့ပဲ တဖြည်းဖြည်းနဲ့တစ်ယောက်နဲ့တစ်ယောက် အနေဝေးလာပြီး စိမ်းလာကြတယ်။ ဘယ်သူကမှလည်း အချိန်သပ်သပ်ပေးပြီးတော့ စကားထိုင်မပြောနေကြတော့ဘူး.. သွန်သင်ဆုံးမမနေကြတော့ဘူး။ ဒီလိုနဲ့ ကလေးတွေက မိဘတွေရဲ့မျက်စိကွယ်ရာမှာနေရတဲ့အချိန်ကလည်းများ၊ မိဘတွေကလည်း အဲလိုကွယ်ရာကျရင် ဘယ်လိုဘယ်လိုနေဆိုပြီးတော့ မဆုံးထားဆိုတော့ နိုင်ငံခြားက ကလေးတွေ၊ နိုင်ငံခြားကို ရောက်လာကြတဲ့ ကလေးတွေက မလိမ္မာတာတို့ ပျက်စီးလွယ်တာတို့ဆိုတာ မဆန်းပါဘူး။ နိုင်ငံကြီးလေ လူတွေက လှုပ်ရှားရလေ။ စားဝတ်နေရေးအတွက် ရုန်းကန်နေရတော့ သားသမီးတွေကို အနီးကပ်မသွန်သင်နိုင်ကြတော့ဘူး။ ဒီနိုင်ငံကလူတွေက ကလေးယူရင် တစ်ယောက်နဲ့တစ်ယောက် ၁ နှစ်လောက်ပဲခြားယူကြတယ်။ ပြီးတော့ ယူတဲ့ကလေးကလည်း အနည်းဆုံး ၃ ယောက်။ ဆိုင်မှာဆို အမြဲတွေ့နေရတယ်။ ဈေးလာဝယ်ရင် ကလေးတစ်စီတစ်တန်းကြီးနဲ့။ နှစ်ယောက်လောက်က လမ်းလျှောက်တဲ့အရွယ်၊ နောက်တစ်ယောက်ကိုတော့ လက်ကဆွဲထားတယ်။ အငယ်ဆုံးတစ်ယောက်ကတော့ တွန်းလှည်းပေါ်မှာ။ အိမ်မှာကလည်း ကလေးကြည့်မယ့်လူမရှိတော့ ဈေးဝယ်ရင် အကုန်လုံးကိုခေါ်လာရရော။ သူတို့က ကလေးကို တစ်နှစ်လောက်ပဲခြားယူတာက ၃၊ ၄ ယောက်မွေးပြီးလို့ နောက်ဆုံးတစ်ယောက်က ကျောင်းသွားတဲ့အချိန်ရောက်ရင် အမေက အလုပ်ထွက်လုပ်လို့ရောက်ပြီလေ။ ကလေးတွေငယ်တဲ့အချိန်ဆိုတော့ ကလေးထိန်းမယ့်လူမရှိတော့ အမေက အလုပ်ထွက်လုပ်လို့မရလို့။ အဲဒါနဲ့ပဲ တစ်ခါတည်းပြီးအောင် ကလေးကို ၃၊ ၄ ယောက်လောက်ဆက်တိုက်ယူလိုက်ကြတယ်။ အငယ်ဆုံးကလေး ကျောင်းတက်တဲ့အရွယ်မရောက်မချင်းတော့ အမေက အဲဒီကလေးတွေကို အနီးကပ်ဆုံးမနိုင်တယ်။ အဲဒီနောက်ဆုံးကလေး ကျောင်းတက်ပြီဆိုတာနဲ့ အမေက အလုပ်ထွက်လုပ်တော့ အဲဒီအချိန်ကတည်းကစပြီးတော့ ကလေးတွေက အမေနဲ့ အနေဝေးသွားပြီ။ နောက် သူတို့တွေ ၁၈ နှစ်လည်းပြည့်ကြရော တစ်ယောက်ပြီးတစ်ယောက် အလျှိုလျှို အိမ်ကထွက်သွားကြရော။ မိဘနဲ့ နေရတဲ့အချိန်ကလည်း သိပ်မရှိ၊ အဲလိုနေရတဲ့အချိန်ကျတော့လည်း မိဘတွေက သားသမီးတွေကို အပြည့်အဝဂရုမစိုက်နိုင်နဲ့ ။. သြော်.. နိုင်ငံခြားဆိုတာကလည်း။
Mole Day
၉ တန်း ၁၀ တန်းတုန်းကကျက်ခဲ့ရတဲ့ တန်ဖိုးတစ်ခုကို လူတိုင်းမှတ်မိကြမယ်ထင်ပါတယ်။ သေချာမမှတ်မိရင်တောင်မှ နည်းနည်းပေါ့။ အဲဒါကဘာလဲဆိုတော့ 1 mole မှာရှိတဲ့ molecule အရေအတွက်ပါ။ 6.02 X 10^23 ဆိုတာပါ။ သူ့ကို Avogardo's Number လို့လည်းခေါ်တယ်။ 10^23 ကို အမေရိကန်တွေ ရက်စွဲရေးတဲ့ပုံနဲ့ကြည့်မယ်ဆိုရင် အောက်တိုဘာလ (၂၃) ရက်နေ့ပေါ့။ ဒီအောက်တိုဘာ (၂၃) ရက်နေ့ကို Mole Day ဆိုပြီးတော့ ကျင်းပကြတယ်။ သူက unofficial holiday ပါ။ ဓာတုဗေဒ ပညာရှင်တွေကသာဒီနေ့ကိုကျင်းပကြတာပါ။ သူ့ရဲ့ တန်ဖိုးက 6.02 X 10^23 ဆိုတော့ Mole Day ကအောက်တိုဘာ (၂၃) ရက်နေ့ရဲ့ မနက် ၆နာရီ ၂ မိနစ်ကနေ ညနေ ၆ နာရီ ၂ မိနစ်အထိပါတဲ့။ သူတို့မလို့ ကြံကြံဖန်ဖန်တွေးတတ်တယ်။ တစ်ခါမှတော့ ဒီလိုနေ့မျိုးရှိတာကိုမကြားဖူးဘူး။ အခု Chemistry
အခန်းယူမှပဲ သိတော့တယ်။ ဘာပဲပြောပြောစိတ်ဝင်စားဖို့တော့ကောင်းပါတယ်။
Today is Mole Day; let's think about Chemistry all day. :P
အချစ်ဆိုတာ
အချစ်ဆိုတာ ခံစားချက်ကိုပြင်းထန်စေတဲ့ အရာတစ်ခုပါ။ လူတွေဟာ အချစ်ကိုစစချင်းတွေ့ရှိသွားတဲ့အခါမှာ ကိုယ့်ရဲ့ စိတ်ခံစားမှုအားလုံးကို အချစ်အပေါ်မှာပုံအပ်လိုက်ကြတယ်။ အချစ်က ပျော်စရာပေးရင် အစွမ်းကုန်ပျော်လိုက်တယ်။ အချစ်က ဝမ်းနည်းစရာတွေပေးလာပြန်ရင်လည်း အစွမ်းကုန်ဝမ်းနည်းလိုက်ကြတယ်။ အချစ်ကိုဦးစားပေးထားတဲ့ဒီလိုအချိန်မှာ ဘေးပတ်ဝန်းကျင်က ဘယ်လိုစကားတွေပဲပြောပြော ဘယ်လိုသတိပေးချက်တွေကိုပဲဆိုဆို လျစ်လျူရှူထားခဲ့ကြတယ်။ အချစ်က ကိုယ့်ကို လိမ်နေတာကို သိနေရင်တောင်မှ အမှန်တရားကို ဖုံးကွယ်ပြီး မုသားစကားတွေ အမှန်လို့တထစ်ချယုံကြည်ပြီးတော့ အချစ်ခေါ်ရာနောက်ကို တကောက်ကောက်ပါအောင်လိုက်လာခဲ့ကြတယ်။ ကိုယ်ရတဲ့အချစ်က အစစ် ဟုတ်လားမဟုတ်လားဆိုတာကို ဆန်းစစ်မှုမရှိပဲနဲ့ပေါ့။ အဲဒါကြောင့်လူတွေကပြောကြတယ် အချစ်မှာမျက်စိမရှိဘူးတဲ့။ ကံကောင်းတဲ့လူတွေကျတော့ အဲဒီလိုအချစ်က သူ့တို့အတွက် တစ်သက်တာအတွက် တကယ့်အချစ်စစ်ဖြစ်သွားပြီးတော့ တစ်ဘဝလုံးအားကိုးစရာဖြစ်သွားကြတယ်။ တစ်သက်လုံးအချစ်ကြောင့်ပျော်ရွှင်သွားကြရတယ်။ ကံမကောင်းတဲ့လူတွေကျပြန်တော့ သူတို့အဲဒီလို ယုံယုံကြည်ကြည်နဲ့ မျက်စိစုံမှိတ်ပြီးလိုက်လာတဲ့ခဲ့တဲ့အဲဒီအချစ်က တကယ့်အစစ်မဟုတ်ဘူးဆိုတာကို လမ်းရဲ့တစ်နေရာကိုရောက်တော့မှ သိလာကြတယ်။ အဲဒီလိုလည်းသိလာရော သူတို့ရဲ့ မျက်စိတွေပွင့်သွားတာပေါ့။ အမြင်တွေရှင်းသွားတော့ ရှေ့ဆက်ဖို့လမ်းကိုကြည့်လိုက်တော့ အဲဒီလမ်းက အပိတ်ခံလိုက်ရတာကိုတွေ့လိုက်ရတယ်။ ဒါနဲ့ပဲ မထူးပါဘူး။ နောက်ပြန်လှည့်မယ်ဆိုပြီးလှည့်လည်းကြည့်လိုက်ရော သူလာခဲ့တဲ့လမ်းက တော်တော် ခရီးရောက်နေပြီဆိုတာကိုတွေ့လိုက်ရတယ်။ အလာတုန်းကလည်း ဂရုမစိုက်မိပဲနဲ့ သူများလမ်းပြတဲ့နောက်ကိုလိုက်လာခဲ့တာဆိုတော့ အပြန်လမ်းကိုမမှတ်မိကြတော့ဘူး။ ဒီလိုနဲ့ပဲ ငါသူ့ကို ဘယ်လိုလုပ်များချစ်မိသွားပါလိမ့်။ ငါဘယ်လိုများဖြစ်ရတာပါလိမ့်။ ဒီလမ်းကို ငါဘာလို့များရွေးချယ်ခဲ့တာပါလဲ။ ဆိုတဲ့ မေးခွန်းတွေထွက်လာတော့တာပေါ့။ အဲလိုနဲ့ပဲ ရှေ့ဆက်လည်းတိုးလို့မရ၊ နောက်လည်းဆုတ်လို့မရတော့ပဲ လမ်းတစ်ဝက်မှာ ပိတ်မိနေတယ်။ ကိုယ်က ယုံကြည်ပြီး လျှောက်ခဲ့တဲ့လမ်းက တကယ့်တကယ် မရှိမှန်းလည်းသိလိုက်ရရော မျှော်လင့်ချက်တွေအားလုံးရိုက်ချိုးခံလိုက်ရသလိုဖြစ်သွားတယ်။ တော်ရုံတန်ရုံရှေ့ဆက်ဖို့အတွက် စဉ်းစားလို့မရကြတော့ဘူး။ အမြင်တွေဝေဝါးပြီး လမ်းပျောက်ကုန်ကြတယ်။ အဲဒီလိုခံစားရတာကို လူတွေက အသည်းကွဲတယ်လို့ တင်စားကြတယ်။ အသည်းကွဲတဲ့လူတွေထဲက တချို့က အချိန်အတိုင်းအတာတစ်ခုကြာလာတော့ အားစိုက်ပြီး ရှေ့ဆက်ဖို့လမ်းတစ်လမ်းကိုဖောက်လိုက်ကြတယ်။ ဒီအဖြစ်အပျက်ဆိုးကြီးကိုနောက်မှာထားခဲ့ပြီး ရှေ့ဆက်သွားဖို့ပေါ့။ တချို့ကျပြန်တော့လည်း ဘာကိုမှအားစိုက်ဖို့မစဉ်းစားကြတော့ပဲနဲ့ အချစ်ကပေးတာဆိုရင် ဒဏ်ရာပဲဖြစ်စေဦးတော့ သိမ်းထားမယ်ဆိုပြီး တစ်သက်လုံးအဲဒီဒဏ်ရာကိုမကုချင်တော့ သူပိတ်မိနေတဲ့လမ်းမှာပဲထိုင်နေကြရော။ ဒဏ်ရာကိုကြိုးစားကုပြီး လမ်းအသစ်ကို လျှောက်ကြတဲ့လူတွေအတွက် အပေါ်ယံကြည့်ရင်တော့သူ့စိတ်ထဲမှာ ဘာခံစားချက်မှမရှိတော့ဘူးပေါ့။ ဒါပေမဲ့ စိတ်ဒဏ်ရာဆိုတာ အချိန်တွေဘယ်လောက်ပဲကြာကြာ လုံးဝပျောက်သွားတာမျိုးမဟုတ်ပဲမသိစိတ်ရဲ့တစ်နေရာမှာ တပိုင်းတစလောက်ကျန်ခဲ့တတ်တာမျိုးဆိုတော့ သူ့အတွက်ရခဲ့တဲ့ အသည်းကွဲတယ်ဆိုတဲ့ ဒဏ်ရာက အစလေးနည်းနည်းကျန်နေခဲ့တာပေါ့။ ဒါကို သူရဲ့သိစိတ်က မသိနိုင်အောင် ဘယ်လောက်ပဲဖုံးထားဖုံးထား သူ့ရဲ့ မသိစိတ်ထဲမှာ ထင်ရှားနေတာဆိုတော့ အချစ်ဆိုတဲ့အရာကို အဲဒီလူက ကြောက်နေတတ်တယ်။ အချစ်နဲ့ထပ်တွေ့ရမှာ ဒီလိုဝေဒနာမျိုးထပ်ပြီးခံစားရမှာကို အလိုလိုနေရင်းကြောက်နေတတ်တယ်။ အဲဒါနဲ့ပဲ သူက သူ့ကိုလာပြီးပေးကြတဲ့နောက်ထပ်အချစ်အသစ်တွေကို သူအသည်းကွဲမခံချင်တော့တဲ့အတွက် လျစ်လျူရှူထားလိုက်တယ်။ ဒါပေမဲ့ အဲဒီလူမသိလိုက်တာက သူ့အသည်းမကွဲချင်လို့ရှောင်လိုက်တာကြောင့် သူများတွေရဲ့အသည်းတွေကို သူမသိမသာနဲ့ခွဲလိုက်မိတယ်ဆိုတာကိုပဲ။ အသည်းကွဲသွားပြီး အချစ်အသစ်ထပ်မရှာချင်ကြတဲ့လူတွေထဲမှာ တချို့ကျတော့ တစ်သက်လုံးအိမ်ထောင်မပြုပဲ တစ်ယောက်တည်းပဲနေသွားကြတယ်။ တချို့ကျပြန်တော့လည်း တစ်သက်လုံးတစ်ယောက်တည်းမနေချင်တာနဲ့ အချစ်မရလည်း အဖော်ရအောင်လို့ အိမ်ထောင်ပြုလိုက်ကြတယ်။ သူတို့သားသမီးတွေရလာတဲ့အခါကျတော့ သူတို့ရဲ့ သားတွေသမီးတွေကို သူတို့ခံခဲ့ရသလို မခံစားစေချင်ကြဘူး။ ဒါနဲ့ပဲ အဲဒီသားသမီးတွေ အရွယ်ရောက်လာတဲ့အခါ သားသမီးတွေကို ထိခိုက်မှာစိုးတဲ့ဆန္ဒကြောင့် လိုအပ်တာထက်ပိုပြီးတော့ ချုယ်ချယ် တားမြစ်ကြတယ်။ ယောက်ျားလေးသူငယ်ချင်းမထားရဘူးတို့ မိဘမပါပဲအပြင်သွားမလည်ရဘူးတို့။ အဲဒီလိုတားမြစ်ခံရတဲ့သားသမီးတွေရဲ့ စိတ်ထဲမှာ ငါတို့ကိုမိဘတွေက တအားချုယ်ချယ်တယ် ယုံလည်းမယုံကြည်ကြဘူး။ အဲလောက်တောင် မယုံတာ ငါတို့ကလည်း လုပ်ပြဦးမယ်ဆိုတဲ့အတွေးမျိုးတွေ စိတ်ထဲကနေ မသိမသာပေါ်လာတတ်တယ်။ ဒီလိုနဲ့ပဲ မိဘရှေ့ကျတော့ စကားနားထောင်ပြီးတော့ ကွယ်ရာကျတော့ တားမြစ်ထားတဲ့ ကိစ္စမှန်သမျှကို လုပ်လာကြတယ်။ ဒီလိုနဲ့ပဲ သူတို့မိဘတွေ စိတ်ပူတဲ့ ကိစ္စတွေလည်းဖြစ်လာရော မိဘစကားကို နားမထောင်မိပဲ ငါတို့လုပ်မိတာ မှားပြီဆိုပြီး နောင်တရကြသွားကြရော။ အဲ အဆင်ပြေသွားတဲ့ သားသမီးတွေကျပြန်တော့ အချိန်တန်လို့ မိဘတွေကို ဖွင့်ပြောပြတဲ့အချိန်မှာ မိဘတွေက အပြင်းအထန်ကန့်ကွက်ကြတယ်။ သူတို့သားသမီးကို သူတို့ သဘောတူတဲ့လူနဲ့ပဲ ယူစေချင်တာကိုး။ သားသမီးတွေဖက်ကလည်း မိဘပေးစားတာကိုမလိုချင်၊ မိဘတွေကလည်း သူတို့သဘောတူတဲ့လူနဲ့ပဲ ယူစေချင်.. အဲဒီလိုနဲ့ ခိုးပြေးကြတယ်။ ဒီလိုနဲ့ ပဲသံသရာလည်နေရာ။ တကယ်တော့ အချစ်ဆိုတာ ဘဝရဲ့ အရေးအကြီးဆုံး အစိတ်အပိုင်းမဟုတ်ပေမဲ့ အရေးကြီးတဲ့ ကဏ္ဍတစ်ခုကနေ နေရာယူထားတဲ့အရာတစ်ခုပါပဲ။ မခွန်မြလှိုင် tag ထားတဲ့ အချစ်ဆိုတာပါ။ အချစ်ဆိုတဲ့ အဓိပ္ပာယ်ရဲ့ တစ်ပိုင်းတစ်စပေါ့။ အချစ်ဆိုတဲ့အရာကို ပြောရင် ပြောလို့မကုန်နိုင်ဘူးတဲ့။ အဲတော့ ဒီအချစ်အကြောင်းကို ဆက်ပြောဖို့ နောက်နှစ်ယောက်ကို ထပ် tag ချင်ပါတယ်။ သူတို့ကတော့ ပျောက်နေတာကြာပြီ။ tag လိုက်ရင်တော့ ထွက်လာမယ်ထင်ရတာပဲ။ မေပျို နဲ့ နှံကောင် တို့ပါ။ ကဲ tag လိုက်ပြီ။ အားတဲ့အခါ ရေးပေးပေါ့နော်။
Search-
Flickr Photostrem-
