နှုတ်ခွန်းဆက်သခြင်း

• Posted: 8:56:00 PM
• |
• Author: Winkabar

နောက်ဆုံးတော့လည်း စာမေးပွဲတွေအားလုံးအောင်အောင်မြင်မြင်နဲ့ပြီးသွားပါပြီ။ ဒီကြားထဲသတိတရနဲ့လာရောက်ဆုတောင်းပေးတဲ့ သူတွေကော၊ လာလည်ကြတဲ့သူတွေကော၊ တိတ်တိတ်လေးလာချောင်းသွားတဲ့သူတွေကော အားလုံးပဲကျေးဇူးအများကြီးတင်ပါတယ်။ မအားလို့ ပြန်မပြောတာတို့ နှုတ်မဆက်ဖြစ်တာတို့ အတွက်တောင်းပန်ပါတယ်နော်။ စာမေးပွဲအတွက် စာတွေကအရမ်းများနေတာ။ ပုံမှန်ဆိုရင် semester တစ်ခုကို သုံးခန်းပဲယူရမှာပါ။ ကိုယ်နိုင်ရင်တော့ပိုယူလို့ရပါတယ်။ နိုင်မယ်ထင်ပြီး လေးခန်းယူလိုက်တာ

နောက်ဆုံးစာမေးပွဲကျတော့ခံရတော့တာပဲ။ တခြားအတန်းတွေကအရေးမကြီးပါဘူး။ အဓိက က Bio။ စာကလည်းခက်၊ ဆရာမသင်တာကလည်းပျင်းဖို့ကောင်း နောက်ပြီးတော့ အတန်းထဲမှာလည်းအိပ်ငိုက် :P ။ အဲလို အားလုံးစုနေတော့ Bio ဆိုမကျက်ချင်ပဲပစ်ထားတာ စာမေးပွဲနီးတော့ အသေကျက်နေရတာ။ တစ်ခါတစ်လေကျတော့လည်း သြော်.. တော်ပါပြီရသလောက် ပဲဖြေတော့မယ်လို့စဉ်းစားပြန်တော့လည်း မဖြစ်သေးပါဘူး ငါအရှေ့က စာမေးပွဲတွေမှာ အမှတ်သိပ်ကောင်းတာမဟုတ်ဘူး ဆိုပြီးပြန်ကျက်ရပြန်ရော။ ဒီလိုပဲကျက်လိုက် မကျက်ချင်လိုက်နဲ့ သံသရာလည်နေတာ နောက်ဆုံးတော့လည်း အဆင်ပြေပြေပဲ ဖြေနိုင်ပါတယ်။ မေးခွန်းကလွယ်တာလည်းပါတယ်။

ကံကောင်းသွားတာပေါ့။ ဆုတောင်းပေးကြတာအားလုံးကျေးဇူး။ တစ်ခါတစ်လေ စိတ်ဓာတ်တအားကျလာတာ။ ဘာမှကိုမလုပ်ချင်တော့ဘူး။ ဒါပေမဲ့ ဖြေနိုင်ပါစေတို့ ဆုတောင်းပေးပါတယ်တို့ ရေးသွားတာတွေကိုပြန်စဉ်းစားလိုက်ရင် အားပြန်တက်လာတယ်။ ဒါနဲ့ပဲအားဖြည့်ပြီး ကျက်လို့ ဖြေနိုင်ခဲ့တာပါ။

စာမေးပွဲကြောင့် နားထားတာလည်းတော်တော်ကြာသွားပြီ။ အခုအားလုံးပြီးသွားပြီဆိုတော့ ပုံမှန်အတိုင်းပဲပြန်လည်ပတ်ပါတော့မယ် ဆိုတဲ့အကြောင်းကို ဒီပို့စ်လေးနဲ့ပဲပြန်ပြီး နှုတ်ခွန်းဆက်သပါတယ်။ အားလုံးပဲမင်္ဂလာပါ။

• Permalink
• RSS 2.0
• 
• 
• 
• 
•